Árið 1984 kom út breiðskífan "Unser Debut" – frumraun okkar. Tónlistarlegt þema þessarar útgáfu var sá þrýstingur sem sjálfstæðar og neðanjarðarhljómsveitir fundu á þeim tíma fyrir, um að "slá í gegn", öðlast "markaðsvinsældir" og koma lögum á vinsældalista. Í samræmi við þetta var tónlistinni á "frumraun okkar" ætluð nokkur "áreynsla", "rembingur", nú skyldi hljómsveitin "gera sitt besta", sýna "metnað", "framtakssemi" og finna "hljómgrunn á markaði".

Mótstykkið kom út tveimur árum síðar. Breiðskífan "sechs" – 6 – (1986), var: "ómarkaðsvæn", "fullvalda", "tilraunakennd" og "málamiðlanalaus". Skyldi ekki flutt vinsældatónlist, heldur einlæg og hreinskiptin.

Í reynd voru hins vegar báðar plöturnar teknar upp, samtímis, í hljóðveri í Düsseldorf. Samsvaranir eru á milli platnanna tveggja, sem sjá má á myndverki umslaga, en koma enn fremur í ljós spili maður plöturnar tvær samtímis á tveimur plötuspilurum, hvort sem er á A eða B hliðum. Þá kallast á bæði tónlist þeirra og textar. Þessi samsíða verk eru jafn löng, upp á sekúndu, og koma sameiginlega upp um textarlega, tónlistarlega og innihaldslega heildarhugsun.

Með samspili platanna tveggja kemur fram hin ósýnilega fimmta breiðskífa, óefnisleg breiðskífa í höfði áheyrandans.